A adega cooperativa Condes de Albarei recibíu a 44 estudantes do Centro de Promoción Rural - EFA Fonteboa, como parte do obradoiro de “Divulgación do emprendemento de experiencias cooperativas como modelo de éxito”. Xornada da Rede Eusumo e promovida pola Secretaría Xeral de Emprego para impulsar a economía social e o cooperativismo como modelo de negocio de éxito e co fín último de que os alumnos aprendan as características do cooperativismo como modelo de negocio con posibilidades de manterse con éxito no medio rural en calquera rama produtiva ou de servizos.

Durante o percorrido polas instalacións do Pazo Baion, persoal da adega explicou aos participantes, ademais de como se producen os viños, a súa traxectoria para manterse e medrar no mercado á par que as iniciativas que emprenden para mellorar o entorno sociocultural.
Estes obradoiros impartidos por técnicos da Asociación Galega de Cooperativas Agroalimentarias (AGACA), destacan como valores positivos das cooperativas, a toma democrática de decisións, a distribución equitativa de beneficios ou a diminución de riscos asociados ao emprendemento.