A Dirección Xeral de Emprego, Traballo Autónomo e Economía Social pon en marcha a 6ª edición do programa formativo gratuíto Medrando Xuntas, para fomentar o talento feminino nas entidades de economía social.

Medrando Xuntas está dirixido a todas as mulleres de entidades de economía social, ben sexan socias e/ou traballadoras, responsables de dirección e/ou de goberno.

O programa conta con dous itinerarios diferentes, un para mulleres con responsabilidades de goberno e dirección e outro para socias e traballadoras. En ambos casos os contidos están organizados en áreas temáticas vinculadas á xestión das organizacións e ás habilidades persoais, adaptados aos diferentes perfís das destinatarias.

Medrando Xuntas Directivas ofrece unha formación de 60 horas de duración que terá lugar en Santiago de Compostela, na Escola Galega de Administración Pública (sesións en liña a través da plataforma Zoom), entre os meses de marzo e xuño de 2022, nas seguintes datas:

Podes consultar aquí o programa detallado.

Medrando Xuntas Socias e Traballadoras é unha actividade formativa de 20 horas de duración que se realizará a través da plataforma Zoom, entre os meses de abril e maio de 2022, nas seguintes datas:

Podes consultar aquí o programa detallado.

As inscricións pódense realizar a través dun dos seguintes formularios web:

• directivas
• socias​
• ou no enderezo electrónico: medrandoxuntas.emprego@xunta.gal

O prazo para inscribirse  é do 1 ao 21 de febreiro de 2022.