Desde hoxe e ata o 2 de xuño celébrase en Silleda a 27º edición do Salón de Alimentación do Atlántico, Salimat 2024, onde os produtos da economía social galega volverán a estar presentes.

Salimat é un espazo xa consolidado para os profesionais do sector da alimentación. Desde pequenos produtores e artesáns ata a gran distribución se unen para colaborar, impulsar o seu crecemento e resultados, e reforzar o seu posicionamente e visibilidade ante o propio sector e o público final.

Entre os diferentes expositores haberá unha ampla oferta de produtos da economía social da man de dez cooperativas galegas, un centro especial de emprego e unha sociedade laboral:

Produtos lácteos e derivados

• Condado Paradanta S. Coop. Galega
• Cooperativa Agraria Provincial S. Coop. Galega (Bico de Xeado)
• Gaia S. Coop. Galega (Gaia Gourmets)
• Productores del Campo de Capela S. Coop. Galega (Campo Capela)

Produtos cárnicos

• A Carqueixa S. Coop. Galega (Carqueixa)
• Tres Fuciños S. Coop. Galega

Produtos vitivinícolas

• Barbudos S. Coop. Galega
• Bodegas Jesús Nazareno S. Coop Galega (Vinos Barco)

Produtos hortofrutículas

• Terras da Mariña S. Coop. Galega

Outros produtos

• A Factoría do Lume S. Coop. Galega
• Distribuciones A Moenda S.L. (Centro Especial de Emprego)
• Lugar da Veiga, Sociedade Limitada Laboral (Daveiga)

Se queres coñecer toda a información sobre os produtos e expositores da economía social de Galicia que estarán presentes na feira, podes consultar o folleto:

Se estás pensando en visitar a feira por que es un profesional do sector, un amante da gastronomía ou simplemente un consumidor interesado en produtos de calidade, podes consultar o programa de actividades previsto na web da feira.