A Dirección de Traballo e Economía social da Consellería de Traballo e Benestar, a través da Rede Eusumo, continúa apostando pola fórmula cooperativa como modelo empresarial máis axeitado para emprender nos momentos actuais.

Durante esta xornada informarase sobre os servizos que a Rede Eusumo pon a disposición do público, dirixidos principalmente a informar, asesorar e formar en materia de cooperativismo a grupos de emprendedores e cooperativas existentes.

Así mesmo, a través da xornada “Emprender baixo a fórmula cooperativa. Agricultura ecolóxica” preténdese mostrar outra forma de autoemprego  amosando as vantaxes e particularidades da fórmula cooperativa como modelo empresarial máis axeitado para emprender en materia de agricultura ecolóxica

Entre os obxectivos que persegue nesta xornada destacan:

• Achegar o modelo cooperativo a persoas desempregadas e persoas interesadas no sector da agricultura ecolóxica.
• Dar a coñecer o modelo cooperativo: as súas características e particularidades.
• Achegar aos participantes experiencias reais de cooperativas.
• Coñecer os pasos para crear un proxecto cooperativo.
• Mostrar os recursos e ferramentas a disposición do impulso ao cooperativismo.

Esta xornada, dirixida a persoas desempregadas e persoas interesadas na agricultura ecolóxica, realizarase os días 29 e 30 de xaneiro no Concello de Dodro, nas instalacións da A Paxareira Vigo,138, en horario de 10:00h. a 13:30h.

Inscrición:

A xornada ten carácter gratuíto.

Prazo de inscrición: ata o 28 de xaneiro de 2015

Entregarase diploma de asistencia.

Pódeste inscribir chamando ao telefono 981 55 80 08 ou a facilitando o teu nome, DNI, teléfono e correo electrónico ao enderezoinfo@eusumo.coop

Para máis información:

www.eusumo.coop

Tlf: 981 55 80 08

info@eusumo.coop