Xornada de Fomento do Cooperativismo no Concello de Ferrol
• A Rede Eusumo organiza a xornada de promoción do cooperativismo titulada “Emprender baixo a Fórmula Cooperativa”. Esta actividade está integrada no plan de actuación da rede para este ano 2015.
• Esta xornada terá lugar o día 20 de novembro no Centro de Emprego do Concello de Ferrol. A través da mesma preténdese amosar as vantaxes e particularidades da fórmula cooperativa como modelo empresarial máis axeitado para emprender nos momentos actuais.
• Con esta xornada búscase achegar o modelo empresarial cooperativo a persoas desempregadas e a persoas que están a buscar unha alternativa de autoemprego.
Santiago de Compostela10/11/2015. A Consellería de Economía, Emprego e Industria da Xunta de Galicia, a través da Rede Eusumo, programa cofinanciado polo Fondo Social Europeo, continúa apostando pola fórmula cooperativa como modelo empresarial máis axeitado para emprender nos momentos actuais.
No plan de actuación 2015 da rede Eusumo intégrase a Xornada “Emprender baixo a Fórmula Cooperativa”., unha Xornada destinada a amosar as particularidades e características vantaxes deste modelo empresarial. Os asistentes terán a oportunidade de adquirir coñecementos básicos sobre cooperativismo e así valorala posibilidade de levar a cabo o seu propio proxecto cooperativo.
• Achegar o modelo cooperativo a persoas desempregadas e persoas que están a buscar unha alternativa de autoemprego.
• Dar a coñecer o modelo cooperativo: as súas características e particularidades.
• Mostrar os recursos e ferramentas a disposición do impulso ao cooperativismo.
Esta xornada, dirixida a persoas desempregadas e persoas que están a buscar unha alternativa de autoemprego, realizarase o 20 de novembro no Centro de Emprego do Concello de Ferrol, e celebrarase en horario de mañá de 11:00 a 15:00h.
Inscrición:
A Xornada ten carácter gratuíto.
Prazo de inscrición: ata o 19 novembro do 2015
Pódeste inscribir chamando ao telefono 981 55 80 08 ou a facilitando o teu nome, DNI, teléfono e correo electrónico ao enderezo info@eusumo.coop
Para máis información:
Tlf: 981 55 80 08
www.eusumo.coop
info@eusumo.coop