Programa de axudas para implantar a RSE, a igualdade laboral e a conciliación laboral e persoal para o ano 2019 - PECHADO O PRAZO
A Consellería de Economía, Emprego e Industria publica as bases reguladoras do Programa de axudas para implantar a responsabilidade social empresarial (RSE), a igualdade laboral e a conciliación laboral e persoal, cofinanciadas polo porgrama operativo FSE Galicia 2014-2020, que se convocan para o ano 2019.
O obxectivo deste programa é promover a Responsabilidade Social Empresarial entra as empresas da Comunidade Autónoma de Galicia.
Establécense tres liñas de axudas:
- Liña I: Certificación de RSE.
- Liña II: Elaboración e implantación de plans de igualdade
- Liña III: Conciliación da vida laboral, familiar e persoal que, a súa vez, comprende tres subliñas:
- Incentivos para fomento do teletraballo
- Incentivos para o fomento da flexibilidade horaria
- Axudas para os investimentos tendentes a garantir e mellorar o dereito á conciliación da vida familiar e laboral
O orzamento total desta orde de axudas ascende a 1.504.198 euros.
Poderanse acoller a estas subvencións, as Pemes ou persoas traballadoras autónomas que conten cun mínimo de 6 persoas traballadoras e con domicilio social e centro de traballo en Galicia.
O prazo de presentación de solicitudes é de 45 días naturais desde a publicación no DOGA.
Para consultar a orde completa prema aquí.
Tamén pode descargar un resumo da axuda premando aquí.
