•    A Rede Eusumo organiza o obradoiro de promoción do cooperativismo titulada “Emprender baixo a fórmula cooperativa, unha boa opción de emprendemento”. Esta actividade está integrada no plan de actuación da rede para este ano 2015.

•    Este obradoiro terá lugar o día 23 de xuño no Concello do Porriño. A través do mesmo preténdese amosar as vantaxes e particularidades da fórmula cooperativa como modelo empresarial máis axeitado para emprender nos momentos actuais.

•    Con este obradoiro búscase achegar o modelo empresarial cooperativo a persoas desempregadas e persoas que están a buscar unha alternativa de autoemprego.

A Dirección de Traballo e Economía social da Consellería de Traballo e Benestar, a través da Rede Eusumo, continúa apostando pola fórmula cooperativa como modelo empresarial máis axeitado para emprender nos momentos actuais.
No plan de actuación 2015 da rede Eusumo intégrase o obradoiro “Emprender baixo a fórmula cooperativa, unha boa opción de emprendemento”, un obradoiro destinado a amosar as particularidades e características deste modelo empresarial. Os asistentes terán a oportunidade de adquirir coñecementos sobre cooperativismo e así valorala posibilidade de levar a cabo o seu propio proxecto cooperativo.
Os asistentes terán o pracer de coñecer en primeira persoa o relato da cooperativa Nutre en Bio S.Coop.Galega, que colaborará ca Rede Eusumo expoñendo a súa experiencia de éxito.
Entre os obxectivos que persegue con este obradoiro destacan:
•    Achegar o modelo cooperativo a persoas desempregadas e persoas que están a buscar unha alternativa de autoemprego.
•    Dar a coñecer o modelo cooperativo: as súas características e particularidades.
•    Achegar aos participantes experiencias reais de cooperativas.
•    Coñecer os pasos para crear un proxecto cooperativo.
•    Mostrar os recursos e ferramentas a disposición do impulso ao cooperativismo.
Este obradoiro, dirixida tanto a axentes intermedios de servizos sociais e persoas interesadas en impulsar proxectos sociais, terá lugar o día 23 de xuño, no Concello do Porriño, na Sala de Usos Múltiples, Nº 2 Multicentro de Torneiros, en horario de 10:00h a 14:00h.      

Inscrición:
O obradoiro ten carácter gratuíto.    
Prazo de inscrición: ata o 22 de xuño de 2015
Pódeste inscribir chamando ao telefono 981 55 80 08 ou a facilitando o teu nome, DNI, teléfono e correo electrónico ao enderezo info@eusumo.coop

Para máis información:
Tlf: 981 55 80 08
www.eusumo.coop
info@eusumo.coop