Obradoiro “A FÓRMULA COOPERATIVA NOS SERVIZOS SOCIAIS” NO CONCELLO DE CHANTADA
 

• A Rede Eusumo organiza un Obradoiro de promoción do cooperativismo nos servizos socias titulado “A fórmula cooperativa nos servizos sociais”. Esta actividade está integrada no plan de actuación da rede para este ano 2015.
• A través do mesmo preténdese amosar as vantaxes e particularidades da fórmula cooperativa como o mellor modelo empresarial para impulsar proxectos de iniciativa social.
• Este obradoiro, dirixido tanto a axentes intermedios de servizos sociais e persoas interesadas en impulsar proxectos sociais, terá lugar o día 4 de agosto, no Concello de Chantada, en horario de 10:00h a 14:00h.

Santiago de Compostela 28/07/2015. A Dirección de Traballo e Economía social da Consellería de Traballo e Benestar, a través da Rede Eusumo, programa cofinanciado polo Fondo Social Europeo, continúa apostando pola fórmula cooperativa como modelo empresarial máis axeitado para emprender nos momentos actuais.

No plan de actuación 2015 da Rede Eusumo intégrase o obradoiro “A fórmula cooperativa nos servizos sociais”, un obradoiro destinada a amosar as vantaxes e particularidades da fórmula cooperativa como o mellor modelo empresarial para impulsar proxectos de iniciativa social. A través deste obradoiro perséguense os seguintes obxectivos:
•    Coñecer o marco dos servizos sociais en Galicia.
•    Achegar o modelo cooperativo a persoas que pretenden emprender no sector de  servizos sociais.
•    Dar a coñecer referentes cooperativos neste sector.
•    Mostrar os recursos e apoios existentes para impulsar proxectos cooperativos no sector servizos sociais.

Este obradoiro, dirixido tanto a axentes intermedios de servizos sociais e persoas interesadas en impulsar proxectos sociais, terá lugar o día 4 de agosto, en Chantada, no Aula TIC (Teleclub) Rúa Ribeira Sacra.

Inscrición:
O obradoiro ten carácter gratuíto.    
Prazo de inscrición: ata o 2 de agosto de 2015
Pódeste inscribir chamando ao telefono 981 55 80 08 ou a facilitando o teu nome, DNI, teléfono e correo electrónico ao enderezo info@eusumo.coop

Para máis información:
Tlf: 981 55 80 08
www.eusumo.coop
info@eusumo.coop

DESCARGUE O PROGRAMA AQUÍ