O obradoiro “Creando unha web autoxestionable para a vosa cooperativa” enmárcase no programa de actuación 2015 da Rede Eusumo. A Rede Eusumo é unha rede de colaboración para o fomento do cooperativismo e a economía social impulsada pola Dirección Xeral de Traballo e Economía Social da Consellería de Traballo e Benestar.

A través deste Obradoiro preténdese mellorar a comunicación e a visibilidade das cooperativas, onde os participantes poderán crear e deseñar o seu propio Blog ou Website a través do software libre Wordpress.

Entre os obxectivos que se perseguen con este obradoiro destacan:

 Mellorar a comunicación e visibilidade das cooperativas.

 Ordenar a identidade gráfica da cooperativa.

 Homexeneidade na representación visual da cooperativa.

 Actualizar a imaxe.

 Crear ou mellorar o posicionamento da cooperativa.

 Abrir novos canles de comunicación a través de internet.

Este obradoiro, dirixido principalmente as cooperativas, está estruturado en dúas sesións que se celebrarán os días 27 e 28 de xaneiro nas aulas CeMIT da Xunta de Galicia, nas instalacións da Deputación de Pontevedra. Ambas sesións celebraranse en horario de tarde de 16:00 h. as 19:00 h., e serán impartidas de forma práctica e amena, fomentando a interacción dos participantes.

Inscrición:

O obradoiro ten carácter gratuíto.

Prazo de inscrición: ata o 26 de xaneiro de 2015. Prazas Limitadas.

Entregarase diploma de asistencia.

Pódeste inscribir facilitando o nome da cooperativa, o teu nome, DNI, teléfono e correo electrónico ao teléfono 981 55 80 08 ou en info@eusumo.coop

Para máis información:

Tlf: 981 55 80 08

info@eusumo.coop

www.eusumo.coop