Dende a Dirección Xeral de Traballo e Economía Social da Consellería de Traballo e Benestar seguimos apostando polo fomento do cooperativismo a través da Rede Eusumo.

Coa idea de dar a coñecer a fórmula empresarial cooperativa como unha boa opción de emprendemento entre persoas que buscan sacar adiante proxectos de iniciativa social, organízase a xornada de difusión “A fórmula cooperativa nos servizos sociais”. Esta xornada está destinada a amosar as vantaxes e particularidades da fórmula cooperativa como o mellor modelo empresarial para impulsar proxectos de iniciativa social.

A través destas xornadas, os asistentes poderán:

• Coñecer o marco dos servizos sociais en Galicia.
•  Achegar o modelo cooperativo a persoas que pretenden emprender no sector de servizos sociais.
•  Dar a coñecer referentes cooperativos neste sector.
•  Mostrar os recursos e apoios existentes para impulsar proxectos cooperativos no sector servizos sociais.

Esta xornada, dirixida tanto a persoas interesadas en impulsar proxectos sociais, como a persoas interesadas en formación relativa as actividades ligadas ás iniciativas sociais, terá lugar o día 24 de febreiro de 10:00h a 13:00h, na Cámara de Comercio de Vigo.

A xornada ten carácter gratuíto.
Prazo de inscrición: ata o 23 de febreiro de 2015
Entregarase diploma de asistencia
Pódeste inscribir facilitando o teu nome, DNI, teléfono e correo electrónico no teléfono 981 55 80 08 ou en info@eusumo.coop

Máis información: DÍPTICO DA XORNADA