Boletín Rede Eusumo Nº 113 15 / 04 / 2021

A Panadaría, unha cooperativa teatral!

Os valores do cooperativismo uniron a Areta Bolado, Noelia Castro e Ailén Kendelman cos que amasaron un teatro de creación propia e cocción lenta para alimentar corpo e alma. Como actrices, a súa ferramenta é a voz e o corpo pero tamén a música e o humor forman parte da obra.  

Grazas á economía social fixeron realidade o seu soño e agora son elas as que, co seu proxecto, deixan pegada no público.  

Ver máis

Queres integrarte na Rede Eusumo?

Achégate ao apartado "Rede Eusumo" da nosa web e atoparás información sobre as pautas que debes seguir ademais da documentación que precisas presentar.   

Ver máis

Encontro sectorial para entidades de economía social.

Neste encontro sectorial terás a oportunidade de descubrir que son os mercados sociais e como funcionan, coñecer a experiencia de dous referentes neste ámbito, escoitar o relato das entidades que axudan a construír o proxecto galego así como ter mais información sobre o Ben Mercado, como tenda en liña renovada.  

Data: 16/04/2021 
Horario: 12:00 -13:15 h
Modalidade: en liña
Inscricións: proxectos_reasgz@reasnet.com

Ver máis

Encontros empresariais!

Mediante esta actividade promocionarase e difundirase a figura das empresas de inserción laboral en Galicia e tratarase de establecer convenios de colaboración e/ou sinerxías coas empresas privadas.

Data: 20/04/2021
Horario: 10:00 - 12:00 h
Modalidade: en liña
Inscricións: formulario / aeigagalicia@aeiga.org / 881957542

Ver máis

Aínda quedan prazas para inscribirse no curso: Ferramentas dixitais útiles para a túa entidade!

Ata o próximo 21 de abril podes inscribirte nesta formación que ten como obxectivo mostrar novas ferramentas dixitais que faciliten a xestión diaria dunha entidade de economía social, o traballo colaborativo, a organización de tarefas e proxectos, a comunicación interna e externa e a venda en liña.  

Datas: do 22/04/2021 ao 11/05//2021
Modalidade: en liña
Duración: 40 h
Inscricións: formulario / eusumo.emprego@xunta.es / 981558008

Ver máis

Rede Eusumo

Contacte en: comunicacion@eusumo.gal ou 610 17 43 89
Máis información en:
            
www.eusumo.gal