BOLETÍN Nº 250 (14 DECEMBRO 2023)

O Centro de Estudos Cooperativos de Galicia (Cecoop), dependente da USC e co apoio da Xunta, presentou o Informe da economía social de Galicia 2022.

Este informe reflicte que, durante o 2022, se crearon 142 cooperativas, a cifra máis elevada da serie histórica, con 542 socias e socios promotores, dos cales o 50% son mulleres.

Nese mesmo período de tempo, tamén se constituíron 24 sociedades laborais e 7 centros especiais de emprego na nosa comunidade.

As participantes deste programa formativo puideron compartir as súas experiencias no I Encontro: Mulleres de Medrando Xuntas.

Este programa gratuíto, que cumpre xa 7 anos e que durante este tempo formou un total de 341 mulleres, ten como obxectivo promover o talento destas nas organizacións da economía social, avanzar no seu desenvolvemento profesional e ofrecer un curso específico centrado no apoderamento feminino.

Desde a Rede Eusumo ofrecemos un servizo gratuíto de asesoramento para calquera persoa que teña interese en crear ou consolidar unha entidade de economía social.