BOLETÍN Nº 214 (5 ABRIL 2023)

O comisario de Agricultura da UE destaca a calidade dos produtos cooperativos galegos

A Asociación Galega de Cooperativas Agroalimentarias (AGACA), entidade socia da Rede Eusumo, participou no V Evento Europeo de Produtos de Calidade e de Orixe.

Neste evento, no que se degustaron diferentes produtos cooperativos de Galicia, Portugal e Nouvelle-Aquitaine (Francia), Janusz Wojciechowski, comisario de Agricultura da Comisión Europea, destacou a boa calidade dos produtos cooperativos galegos que se enmarcan no proxecto europeo AGROSMARTglobal.

Ver máis

Publicada a 3ª edición do curso "Como crear unha entidade de economía social"

Neste curso gratuíto poderás analizar a viabilidade dos teus proxectos e coñecerás os pasos que hai que dar para crear a túa entidade de economía social e as liñas de axuda e financiamento ás que podes optar para abordar con éxito o teu proxecto.

Datas: do 13 ao 27 de abril de 2023
Modalidade: en liña
Plataforma: Campus Eusumo
Duración: 20 horas
Inscrición: ata o 12 de abril de 2023

Ver máis

Súmate a este encontro sostible en Ourense

A Confederación Empresarial de Ourense está a organizar varias mesas de traballo en diferentes puntos estratéxicos da provincia de Ourense co fin de desenvolver ideas e estratexias arredor de varias temáticas.

Esta mesa de traballo ten o obxectivo de promover novos grupos promotores e unha relación de calidade con terceiros.

Data: 17 de abril de 2023
Horario: de 13:00 h a 17:00 h
Modalidade: presencial
Lugar: Sede da Confederación Empresarial de Ourense
Inscrición: a través deste formulario

Ver máis

Inscríbete na 3ª edición do curso "Como obter financiamento para entidades de economía social"

O obxectivo desta formación é dar a coñecer diferentes formas de financiamento ético e alternativo adaptadas aos principios da economía social así como mostrar as diferenzas existentes entre dúas fontes de financiamento opostas como son a banca tradicional e a banca ética.

Datas: do 18 de abril ao 2 de maio de 2023
Modalidade: en liña
Plataforma: Campus Eusumo
Duración: 20 horas
Inscrición: ata o 17 de abril de 2023

Ver máis

Rede Eusumo

Contacte en: comunicacion@eusumo.gal ou 610 17 43 89
Máis información en:

www.eusumo.gal