Boletín Nº 182 (25 agosto 2022)

PROGRAMA MENTORING PARA AUTÓNOM@S

A Consellería de Promoción do Emprego e Igualdade coa colaboración da Fundación Ronsel pon en marcha este Programa Mentoring para autónom@s que teñen unha antigüidade mínima de 42 meses e o seu domicilio fiscal en Galicia.

O obxecto deste programa é axudar ás persoas autónomas a mellorar a súa actividade profesional, acompañándoas na consolidación dos seus negocios e contribuíndo a incrementar os seus contactos profesionais e a súa actividade económica.

O prazo de presentación das solicitudes finaliza o 22 de setembro de 2022.

Para máis información podes contactar coa Oficina do Autónomo a través desta ligazón.

Ver máis

Actividade New Start

Nesta formación, as persoas que están interesadas en formarse no ámbito da economía social ou poñer en marcha un negocio neste eido coñecerán, por un lado, cales son as entidades de economía social existentes e cales son os aspectos que hai que ter en conta na elección da súa fórmula xurídica, así como os trámites de constitución. Por outro lado, tamén traballarán no plan de empresa coa implantación do seu modelo de negocio; estudarán a viabilidade económica-financeira e os incentivos que existen actualmente destinados á Economía Social, así como aprenderán nocións básicas de fiscalidade para emprendedores que se inician neste ámbito.

Datas: do 19 ao 22 de setembro
Modalidade: presencial
Lugar: Centro de Formación CIMO, rúa Río Casaio, 2, Ourense
Duración: 20 horas
Inscrición: a través deste formulario ou no 988 391 515 ata o 16 de setembro.

Ver máis

Rede Eusumo

Contacte en: comunicacion@eusumo.gal ou 610 17 43 89
Máis información en:
            
www.eusumo.gal