Boletín Nº 140 (29 de outubro de 2021)

Que entidades están vinculadas á economía social?

Dentro do apartado de Promoción da web da Rede Eusumo, poderás acceder a ligazóns de interese onde aparecen todas as entidades relacionadas coa economía social e que proporcionan valor a esta fórmula de autoemprego.

Ver máis

Novo programa Re-acciona Covid-19

Este programa ten como finalidade axudar ás empresas galegas a adaptarse ao novo contexto económico provocado pola pandemia, a través de cinco novos servizos modulares de asesoramento especializado por entidades expertas en cada unha destas temáticas:

• Reestruturación financeira tras o impacto da covid-19 e os novos modelos de negocio (servizo prestado por Arxón, Audicon e Medrar).
• Preparación para a transmisión ou adquisición de unidades produtivas (servizo prestado por Casares e Parada Cotelo).
• Elaboración, adaptación e implementación de plans estratéxicos de internacionalización (servizo prestado por Eosa, Esquio e Gadi). 
• Análise de mercados internacionais concretos (servizo prestado por Axperia, DPI e Innplica).
• Implementación de metodoloxías e procesos acordes coa economía circular (servizo prestado por Inova, NorQuality e Valora). 

Cales son os requisitos que debes cumprir?

1. Ser unha peme de calquera forma xurídica con, polo menos, 3 traballadores (incluidos os socios traballadores).
2. Ter, polo menos, un centro de traballo en Galicia.
3. Ter un descenso de, como mínimo, un 10% de facturación no exercicio 2020 respecto do 2019.

Prazo de inscrición aberto ata o 15 de novembro.

*As persoas interesadas deberán contactar coa entidade colaboradora coa que queren traballar para que xestionen a solicitude do servizo.

Ver máis

Nova teleformación: Crea e constitúe a túa cooperativa paso a paso

Nesta formación en liña as persoas cunha idea de negocio ou proxecto empresarial interesadas en valorar a viabilidade de emprender baixo a fórmula cooperativa, tratarán cuestións como as seguintes: como se traballa nunha cooperativa; como prototipar a túa idea de negocio cooperativo; como estudar a viabilidade económica e financeira; como é a organización das cooperativas e como é a elaboración dun plan de empresa e a súa constitución.

Datas: do 22 de novembro ao 7 de decembro
Duración: 40 h
Horario: as sesión virtuais serán os días 22 de novembro e 2 e 7 de decembro de 09:30 a 11:00 h
Modalidade: en liña a través desta plataforma de teleformación
Inscrición: a través desta ligazón
Para máis información: patane@espazo.coop / 881 887 456

Ver máis

Rede Eusumo

Contacte en: comunicacion@eusumo.gal ou 610 17 43 89
Máis información en:
            
www.eusumo.gal