Boletín Nº 138 (14 de outubro de 2021)

Descubre toda a normativa en materia de economía social

Tes á túa disposición na web de Eusumo toda a normativa vixente a nivel comunitario, estatal e autonómico relativa á economía social e ás diferentes entidades que a forman. 

Ver máis

Taller sobre comercio exterior

Neste obradoiro explicaranse as fontes de información para a toma de decisións estratéxicas en relación coa economía mundial e o comercio internacional. De forma práctica, tamén se ensinará como elaborar un plan de mercado internacional e a preselección dos mercados internacionais, ademais do proceso de posta en marcha da internacionalización da empresa.

Datas: 20, 21, 22, 25 e 26 de outubro
Horario: de 11:00 a 14:00 h
Modalidade: presencial na Cámara de Comercio de Santiago de Compostela, Viveiro de empresas, República Checa 40, Polígono de Costa Vella.
Inscrición: a través de www.camaracompostela.com

Ver máis

Mostra da Economía Social

Esta actividade aglutina tres accións diferenciadas; por un lado, catro charlas sectoriais e talleres para promover o emprendemento en sectores emerxentes; showrooms e catas sectoriais en economía social destinados a que catro empresas poidan mostrar en que consisten os seus proxectos ou servizos e recibir o feedback do público asistente; e por último, a participación de catro empresas de economía social catalogadas como boas prácticas que tamén poderán mostrar os seus produtos ou servizos.

Data: 27 de outubro
Horario: as distintas actuacións realizaranse en horario de 11:30 a 19:00 h de forma paralela.
Modalidade: en liña
Inscrición: para asistir como público debes inscribirte a través desta ligazón.
Para máis información: usceconomiasocial.gal / info@usceconomiasocial.gal

Ver máis

Rede Eusumo

Contacte en: comunicacion@eusumo.gal ou 610 17 43 89
Máis información en:
            
www.eusumo.gal