Finalmente foron oito os centros educativos premiados no Certame Cooperativismo no ensino 2022. En concreto foron centros educativos das provincias da Coruña, Lugo e Pontevedra.

Nesta convocatoria do 2022 os oito centros galardoados son de Cangas, Boiro, Redondela, Vigo, Vila de Cruces, O Porriño e Barreiros (Lugo).

• Na modalidade de actividades artísticas, recibiu o premio ao mellor traballo na categoría de 2º ciclo de educación infantil, o CEIP Plurilingüe Domaio, de Cangas por "Todos somos especiais: Cooperación espacial" e o accésit por "Escultura narrativa" o CEIP Plurilingüe de Abanqueiro, de Boiro​.
  Entre o alumnado de 1º e 2º de educación Primaria, o galardón foi para "S.O.S. ao planeta, cooperamos por un mundo máis sostible" do CEIP Plurilingüe Domaio, de Cangas e o accésit por: “Animalízate! Amor con patas: Museo dos Animais” do CEIP de Laredo, en Chapela (Redondela); o de 3º e 4º cursos de Primaria recaeu en "Cooperativa 3D" do CEIP San Miguel de Reinante Barreiros (Lugo) e o accésit con “Mulleres estrela, creando referentes” do CEIP Plurilingüe Domaio; e por último, o de 5º e 6º do mesmo nivel educativo foi para "Tecendo a cooperativa" dos alumnos do CEIP San Miguel Reinante Barreiros e o accésit foi para “Na nosa orixe cooperamos para evolucionar” do CEIP Plurilingüe Domaio.
   
• Na modalidade de actividades cooperativizadas, dirixida a estudantes de centros de educación secundaria obrigatoria (ESO) e educación especial, o mellor traballo foi "Cooperativa Escolar O Mistral: Iniciativa “Para unha vida sen límites”" do Centro de Educación Especial Aceesca do Porriño​ e o accésit foi para “Lugh: Sociedade Cooperativa Galega Xuvenil do Sobreiral de Valadares" do IES Valadares de Vigo.
   
• ​Na última das categorías, dirixida a recoñecer o esforzo dos centros de formación profesional e ensinanzas de réxime especial, o primeiro posto recaeu en "Sentidiño. Sociedade cooperativa xuvenil galega" do CIFP Imaxe e Son da Coruña. Nesta modalidade, o certame premia os mellores proxectos empresariais cooperativos. E o accésit ao proxecto empresarial finalista foi para “Contorno accesible” presentado polo alumnado do ES Marco do Camballón de Vila de Cruces (Pontevedra).

A entrega do galardón ao alumnado do centro CEIP de Laredo, en Chapela (Redondela) realizouse nun acto previsto para o luns 13 de xuño ás 12:30 horas. A xornada contou co espectáculo 'A caixa sen pandora' de Teatro Ghazafelhos para os asistentes.
A compañía presentou no centro educativo un espectáculo no que se preguntan: Que pasaría se Pandora non abrira a súa caixa?

O colexio de Laredo non será o único centro da provincia galardoado este ano no 'Cooperativismo no ensino'. O IES de Valadares en Vigo recibiu xa o accésit na Modalidade de actividades cooperativizadas, a mesma categoría pola que o martes 14 de xuño recibiu o premio o Centro de Educación Especial ACEESCA no Porriño.

Amais, o Colexio de Domaio, en Moaña, recibirá o venres 17 de xuño os catro recoñecementos dos que é merecedor, dous primeiros premios e dous accésits.
Completan o listado de centros premiados nesta edición o CEIO de Barreiros na Mariña lucenre e o CEIP de Abanqueiro, en Boiro.

Estas son algunhas imaxes das entrega de premios que convocou a Consellería de Promoción do Emprego e Igualdade a través da Secretaria xeral de Apoio ao Emprego, Traballo Autónomo e Economía Social: