Seis foron os centros educativos premiados no Certame Cooperativismo no ensino 2021. En concreto, un centro de Vigo, Oleiros (A Coruña), Moaña (Pontevedra), Barreiros (Lugo) e Redondela (Pontevedra).

Nesta convocatoria do 2021 presentáronse 59 centros, dos cales estes seis foron os galardoados:

• Na modalidade de actividades artísticas, recibiu o premio ao mellor traballo na categoría de 2º ciclo de educación infantil, o CEIP San Miguel de Reinante de Barreiros (Lugo) por "A que sabe o cooperativismo?" e o accésit por "Máis ca un abecedario" o CEIP Plurilingüe Pedro Caselles Rollán.
  Entre o alumnado de 1º e 2º de educación Primaria, o galardón foi para "Laredópolis: a cidade dos nosos soños" do CEIP de Laredo en Redondela (Pontevedra) e o accésit por: “Cooperamos porque cada gota importa. A auga en Domaio é cousa de todo@s” do CEIP Plurilingüe Domaio; o de 3º e 4º cursos de Primaria recaeu en "Historia para con-vivir e cooperar" do CEIP Plurilingüe de Domaio de Moaña (Pontevedra) e o accésit con “Fin cooperativo ata...a FIN” do CEIP San Miguel de Reinante Barreiros; e por último, o de 5º e 6º do mesmo nivel educativo foi para "Os Limpacovids" dos alumnos do CEIP Plurilingüe Isidro Parga Pondal de Oleiros e o accésit foi para “Voo cooperativo” do CEIP San Miguel de Reinante Barreiros.
   
• Na modalidade de actividades cooperativizadas, dirixida a estudantes de centros de educación secundaria obrigatoria (ESO) e educación especial, o mellor traballo foi "Co2perativa: Sociedade Cooperativa Galega Xuvenil do Sobreiral de Valadares" do IES Valadares de Vigo e o accésit foi para “O BANCO DO TEMPO do IES Pobra do Caramiñal” do IES A Pobra do Caramiñal.
   
• ​Na última das categorías, dirixida a recoñecer o esforzo dos centros de formación profesional e ensinanzas de réxime especial, o primeiro posto recaeu en "Capptus Apps Turísticas" do Instituto de Educación Secundaria e Profesional Manuel Antonio de Vigo. Nesta modalidade, o certame premia os mellores proxectos empresariais cooperativos. E o accésit ao proxecto empresarial finalista foi para “Mareando” presentado polo alumnado do CPR Colexio Mendiño.

A entrega dos galardóns ao alumnado de infantil, primaria, secundaria e educación especial realizarase nun acto previsto o próximo 15 e 16 de xuño no Salón Teatro de Santiago de Compostela. Realizarase en dúas xornadas que está previsto retransmitir por streaming e que contarán con espectáculos teatrais para os asistentes.

No caso dos proxectos empresariais dos centros de formación profesional e ensinanzas de réxime especial, a entrega realizarase o Día Internacional do Cooperativismo que cada ano se celebra o primeiro sábado do mes de xullo.

Para consultar a relación definitiva cos traballos premiados dacordo coa Resolución do 26 de maio de 2021, preme aquí.

Podes consultar tamén a publicación no DOG a Resolución do 1 de xuño de 2021 da Dirección Xeral de Emprego, Traballo Autónomo e Economía Social, pola que se fai pública a concesión dos premios do certame Cooperativismo no ensino 2021.