Publicada a orde de subvencións ás entidades colaboradoras da Rede Eusumo
A Consellería de Promoción do Emprego e Igualdade abre a convocatoria das subvencións ás entidades colaboradoras da Rede Eusumo para as anualidades 2023 e 2024.
A finalidade destas axudas é apoiar a realización de actividades de promoción e impulso do cooperativismo e da economía social en Galicia.
As achegas serán dun máximo de 190 000 euros e poderán ser entidades beneficiarias, sempre que cumpran as condicións e os requisitos establecidos na orde:
- As asociacións de entidades de economía social
- Os concellos de Galicia e as áreas metropolitanas, mancomunidades de municipios e os consorcios locais
- As cámaras de comercio
- As universidades
- As fundacións e asociacións e as organizacións profesionais, empresariais e sindicais
As actividades subvencionables son:
- Actividades xerais de promoción da economía social
- Actividades de divulgación
- Actividades de asesoramento
- Actividades de formación
- Actividades relativas aos sectores específicos da economía social
- Actividades de divulgación
- Xeración de novo coñecemento en economía social
- Formación para a creación e consolidación de proxectos de economía social
- Asesoramento e apoio a proxectos de economía social
- Difusión e visibilización da economía social
As solicitudes presentaranse por medios electrónicos a través do formulario normalizado dispoñible na sede electrónica da Xunta de Galicia, entre o 3 de agosto e o 4 de setembro do 2023.
O orgamento da Rede Eusumo para o 2023-2024 será de 690 000 euros, que se destinarán a apoiar os colectivos que colaboran coa Rede Eusumo e contribuír ao impulso do cooperativismo e as fórmulas da economía social na comunidade galega. Da totalidade deste orzamento, a Consellería de Promoción do Emprego e Igualdade reservará 390 000 euros para apoiar actividades de sectores específicos como o dos coidados, o agroalimentario, a economía circular, as enerxías renovables, as novas tecnoloxías, ou do sector industrial e das industrias culturais.
Antes de presentar a solicitude, consulta as bases reguladoras publicadas no Diario Oficial de Galicia (DOG).
Tamén podes consultar o folleto da axuda premendo aquí e ler a nota de prensa da Xunta de Galicia aquí.
