A Universidade de Vigo xunto con AJE Pontevedra organizan o programa IN-TEAMS, programa de emprendemento que busca favorecer a creación de equipos e proxectos empresariais que traballarán sobre ideas de negocio ou resultados de investigación do Campus Crea para crear proxectos empresariais viables que se constitúan en entidades de economía social.

Esta actividade consiste en:

1.  Crear proxectos empresariais en base a túa idea de negocio ou conforme a resultados de investigación do Campus Crea da UVigo.
2. Compartir coñecementos, competencias e habilidades cun equipo multidisciplinar.
3. Formación especializada, orientada a mellorar capacitación empresarial, sectorial e as habilidades soft-skills das persoas participantes.
4. Apoio dun mentor/a experto/a que che axude a construír un proxecto empresarial viable.
5. Espazos de traballo colaborativo virtuais e físicos para desenvolver un proxecto empresarial xunto ao teu equipo de traballo.

Destinatarios:

• Alumnado de posgrao, máster ou doutoramento
• Persoas egresadas das últimas promocións
• Persoal colaborador ou integrado en grupos de investigación
• Alumnado do último ano de licenciatura ou grao
• Público en xeral con ideas de emprendemento e que busca emprender

Fases do programa:

1.  Selección de participantes e definición dos grupos de traballo

2.  Presentación das ideas de negocio e equipos
Evento de presentación das persoas integrantes dos equipos e asignación de ideas propias das persoas participantes ou dos resultados de investigación.

3. Actividades do programa

Para coñecer o calendario coas distintas accións previstas no programa, preme nesta ligazón,

Inscricións ata o 16 de setembro ás 23:59 horas (a data poderá modificarse por requerimento da convocatoria).

Ligazón de inscrición: https://bit.ly/inscricioninteams

Máis información en: https://inteams.creaeconomiasocial.com/

Podes consultar as bases do programa premendo nesta ligazón.