A Fundación Roberto Rivas lanza a 3.ª edición do Programa RR_dTerritorio de incubación de proxectos de emprendemento social innovadores no territorio de Galicia.

Vai dirixido a persoas menores de 30 anos, que teñan espírito emprendedor e queiran aprender a lanzar unha empresa innovadora e sustentable en Galicia. Ademais, deben ser persoas comprometidas co territorio e que teñan dispoñibilidade e tempo libre este verán.

Este programa ofrece a oportunidade de formarse para emprender de maneira 100 % práctica. Levarase a cabo entre o 22 de maio e o 22 de setembro de 2023 en horario de mañá.

A modalidade é principalmente en liña, ainda que se realizarán algunhas actividades de forma presencial en ubicacións do interior de Galicia, e en particular no espazo da Fundación Roberto Rivas denominado "La Moda" Rural Lab, en Silleda.

Módulos formativos prácticos:

1. Design thinking
2. Viabilidade económica e financiamento
3. Marketing en liña e redes sociais
4. Comunicación e pitch
5. Economía circular e sostibilidade
6. Economía social
7. Emprendemento con propósito

Tes ata o 22 de maio para inscribirte a través deste formulario.

Máis información en rrdterritorio.com