EspazoCoop organiza o obradoiro “Lánzate a emprender en cooperativa” en colaboración co Concello de Santiago de Compostela no marco da Rede Eusumo.

Este obradoiro realizarase os días 3, 6, 10, 18, 19 e 20 de outubro de 2022 de forma presencial en Cersia Empresa (Santiago de Compostela) en horario de tarde, de 16:30 a 19:45 horas.

O obxectivo desta actividade é achegar este modelo de negocio á cidadanía e mostrarlles as condicións e pasos a dar para emprender baixo esta fórmula. Tamén se quere contribuír a que as persoas participantes coñezan e valoren as cooperativas e as súas achegas sociais e económicas, así como que coñezan a experiencia real do funcionamento dunha cooperativa.

Os contidos do programa estrutúranse en 4 módulos:

Módulo 1.- O emprendemento.

Módulo 2.- Características das empresas cooperativas

Módulo 3.- A organización nas empresas cooperativas

Módulo 4.- Pasos para a constitución e experiencia cooperativa.

Esta actividade diríxese a persoas socias e/ou asalariadas de cooperativas e outras empresas da economía social, a persoas que estean desenvolvendo un proxecto de emprendemento en cooperativa, persoas interesadas en formar parte de empresas participativas e a todas as persoas interesadas na aprendizaxe práctica das habilidades para o traballo en equipo. Darase prioridade no acceso ao curso ás mulleres e as persoas pertencentes aos colectivos prioritarios.

Podes premer aquí para visualizar o cartel completo.

Se desexas máis información, non dubides en poñerte en contacto mediante chamada (881 887 456) ou correo electrónico (patane@espazo.coop).