No marco da Rede Eusumo, EspazoCoop organiza o encontro "Impulso do cooperativismo​" no sector da vivenda colaborativa.

Esta actividade levarase a cabo en modalidade en liña a través da plataforma Zoom o vindeiro luns 9 de outubro de 2023 en horario de 10:00 h a 12:00 h.

Poderán particiapar neste evento:

• Persoas e entidades vinculadas ao sector de covivenda en cesión de uso
• Persoas e entidades prescritoras de procesos de emprendemento empresarial no ámbito socioeconómico e comunitario
• Persoas e entidades vinculadas a grupos promotores de proxectos en cooperativa ou outras fórmulas de economía social

A finalidade e os obxectivos desta actividade son os seguintes:

• Presentar o Programa de Fomento do Cooperativismo en Sectores Estratéxicos - Edición 2023 de ESPAZOCOOP
• Divulgar as potencialidades do cooperativismo e a economía social e solidaria para o sector da covivenda en cesión de uso
• Identificar, definir e atender oportunidades no sector de covivenda en cesión de uso e actividades concretas para o impulso do cooperativismo en dito sector
• Divulgar boas prácticas de cooperativas no sector de covivenda en cesión de uso

O programa será o seguinte:

10:00 h. - Benvida e presentación das persoas participantes

10:10 h. - Presentación do Programa de Fomento do Cooperativismo en Sectores Estratéxicos – Edición 2023

10:20 h. - Dinámica de traballo de identificación das particularidades, fortalezas e oportunidades da fórmula cooperativa e outras da economía social, vinculandoas coa situación do sector de covivenda en cesión de uso

11:20 h. - Presentación de boas prácticas de cooperativas no sector de covivenda en cesión de uso

12:00 h. - Conclusións e Avaliación do Encontro

Inscríbirte a tavés deste formulario.

Atoparás máis información en espazo.coop