A Mancomunidade de Municipios da Comarca de Verín organiza a actividade ‘Identifiquemos novas oportunidades na Comarca de Verín’ no marco da Rede Eusumo.

Levarase a cabo en modalidade presencial na sede de AEVER (Asociación de Empresarios/as de Verín) e serán de carácter gratuíto. Realizaranse dous encontros nos que se analizarán dúas das transformacións recentes:

• Clientes alén da fronteira - 9 de outubro de 20:00 h a 21:30 h
• A chegada do AVE - 10 de outubro de 20:00 h a 21:30 h

Estes encontros están abertos a calquera persoa que queira achegar as súas ideas e opinións. Poden ser de especial interese para aquelas persoas que xa teñan un negocio en marcha, que estean pensando en montar algún a través de fórmulas de economía social ou que busquen emprego. Tamén poden ser de utilidade para os técnicos de entidades que traballen a prol desenvolvemento económico e social do territorio.

O programa dos encontros será o seguinte:

1. - Inicio da sesión e presentación de asistentes

2. - Dinámica participativa realizada por dous expertos

3. - Clausura do encontro

Se estás interesad@, inscríbete a través desta ligazón.