FORO DE FINANCIAMENTO

A Universidade de Santiago de Compostela organiza a seguinte actividade dentro do programa da USC "SÚMATE Á CULTURA EMPRENDEDORA EN ECONOMÍA SOCIAL!" :

FORO DE FINANCIAMENTO

Datas: 21 de outubro de 2021

Horario: de 11:00 a 13:30 horas

Modalidade: en liña

Destinatarios: alumnado universitario, persoas emprendedoras con proxectos de economía social, empresas de economía social que aposten por un salto de escala e outras empresas que queiran transformarse en entidades de economía social.

Finalidade do evento: Trátase dun evento no que representantes de entidades de financiamento e inversión terán a oportunidade de coñecer dez proxectos de economía social e valorar a conveniencia de outorgarlles financiamento responsable. Así mesmo, pretendese crear un espazo que permita a proxectos de economía social e entidades de financiamento e inversión coñecerse, así como favorecer o networking efectivo entre promotores e entidades de financiamento.

Programación prevista:

11:00 h Recepción e benvida.

11:05 h Rolda de presentación dos proxectos. Cada un dos dez proxectos participantes terá 7 minutos para realizar a súa presentación diante das entidades de financiamento e investimento convidadas.
Unha vez finalizadas as presentacións, as persoas representantes de entidades de financiamento e inversión poderán formular preguntas asociadas ao proxecto.
Á par das presentacións as entidades de financiamento poderán solicitar, a través dun chat privado, unha reunión privada coas persoas promotoras dos proxectos que lles interese coñecer máis en detalle.

12:50 h Organización de sesión one to one entre as partes interesadas.
As sesións terán unha duración de entre 5 a 10 minutos.

13:30 h Peche

Inscricións:

- Ata o 14 de outubre ás 12:00 horas
- A través do seguinte formulario de inscrición.
- Tamén a través de proxectoeusumo.usc@gmail.com

 

Xoves, 21 October, 2021 - 11:00 to 13:30

Compartir