Desde este xoves 24 ata o sábado 26 de outubro celebrarase o evento ES POPUP en Lugo. As actividades desenvolveranse na praza da Soidade.

Estes son os 8 proxectos seleccionados para participar no espazo comercial ES POPUP:

• A3 Proyectos: representación de proxectos de enxeñería e arquitectura mediante o uso da realidade virtual e a realidade aumentada.
• Inside Out English Centre: academia de inglés para nenos e adultos que traballa cunha metodoloxía innovadora.
• Mujeres Ensambladas: proxecto baseado na economía circular que pretende desenvolver dúas liñas de produtos orgánicos:
  – Fertilizante agrícola elaborado baixo a técnica da lombricultura que terá como materia prima os residuos orgánicos dos restaurantes de Lugo.
  – Produción e venda de especies para a elaboración de comidas.
• Pleno Rendimiento: servizo destinado a mellorar a calidade de vida dos traballadores a través dun programa de actividade física, acompañado dun asesoramento nutricional e emocional.
• MycoGalicia Plantae: servizos de asesoramento dirixidos ao aproveitamento das setas nos montes galegos, ou ben, a súa produción industrializada. Outra das liñas de negocio é material divulgativo infantil sobre setas.
• D-RAÍZ: deseño de roupa e complementos de moda sostible.
• Amodiño: centro especializado en rehabilitación veterinaria. Fisioterapia, hidroterapia, acupuntura e venda de produtos especializados.
• SmartWood: ferramenta dixital para unha mellor xestión das parcelas agrícolas e forestais.

Se queres coñecer en profundidade os diferentes proxectos preme aquí.

Coñece tamén o programa de actividades.