EspazoCoop organiza o curso “Desenvolvendo a idea cooperativa” como parte do programa "A cooperativa alternativa de emprego para a mocidade galega" e no marco da Rede Eusumo.

Levarase a cabo entre o 17 de xullo e o 2 de agosto de 2023 en modalidade de teleformación a través de www.aulaespazocoop.com e terá unha duración de 20 horas.

Ademais, haberá 2 sesións virtuais de aprendizaxe os días 18 de xullo e 1 de agosto de 11:00 h a 12:30 h co obxectivo de poder complementar os contidos teóricos do curso coa realización de actividades prácticas e dinámicas.

Este obradoiro está dirixido a persoas mozas, en busca de emprego, interesadas en acceder ao mundo do traballo a través do emprendemento colectivo, profesionais autónomas e público xeral.

Os obxectivos consisten en dar a coñecer o que debemos analizar e o que hai que ter en conta para facer dunha idea un proxecto cooperativo viable, elaborar conxuntamente o prototipo do proxecto e avaliar os requisitos e os compromisos como grupo promotor, as tarefas a desenvolver, así como o calendario de actuacións.

Durante o desenvolvemento desta actividade, seguirase o seguinte programa:

Módulo 1. Identifica o teu proxecto cooperativo

Módulo 2. Analiza as áreas comercial e de mercado

Módulo 3. Estuda a viabilidade económica e financeira

Módulo 4. Planifica a área organizativa e os trámites de constitución

As inscricións realizaranse a través deste formulario.

Consulta o cartel completo.

Para máis información visita www.espazo.coop ou ponte en contacto a través de patane@espazo.coop | 697 877 773