Boletín Rede Eusumo Nº 050 23 / 01 / 2020

Queres descubrir a historia que alberga o noso cómic?

Podes descargalo a través da seguinte ligazón e coñecer todo o que os seus personaxes teñen que contar sobre a economía social. Ademais, na parte final terás a oportunidade de rematar a historia segundo desexes. 

 Ver máis

Participa e presenta a túa candidatura!

Aberta a convocatoria de Premios á Cooperación 2020 na que se outorgará un premio á cooperativa que máis sobresaíse no impulso dos valores e os principios cooperativos; un premio ao mellor proxecto cooperativo novo que destacase polas súas achegas nos aspectos sociais, económicos, culturais ou ambientais e teña unha antigüidade igual ou menor a corenta e dous meses; e, por último, un premio á traxectoria cooperativa.  

O prazo de presentación de solicitudes finaliza o 30 de abril de 2020.

Para máis información, consulta a orde completa aquí. 
 

Ver máis

Almorzo e cooperativismo, que relación gardan?

Moitos dos produtos alimentarios de calidade proveñen de empresas cooperativas galegas, grazas ás que realizamos almorzos nutritivos e saudables, ademais de achegar os valores da economía social entre os máis pequenos.

Con esta actividade foméntase non só unha alimentación saudable, senón tamén a implicación das familias na alimentación dos fillos e fillas e o coñecemento do cooperativismo a través de xogos en equipo. 

Datas: 24/01/2020 - 30/01/2020
Horario: 09:00 - 12:00 h
Lugar: CEIP As Covas, Meaño (Pontevedra)
 

Ver máis

Fórmate en economía social!

Durante o mes de febreiro realizaranse, por diferentes puntos do territorio galego, xornadas para fomentar a economía social e as súas fórmulas de emprendemento como xeradoras de emprego e de empresas de calidade.

Se tes interese en asistir, podes inscribirte a través do seguinte formulario, no teléfono 981558008 ou enviando un correo a eusumo.emprego@xunta.gal

Ver máis

Rede Eusumo

Contacte en: comunicacion@eusumo.gal ou 610 17 43 89
Máis información en:
            
www.eusumo.gal