A Axencia Instituto Enerxético de Galicia (Inega) publica as bases reguladoras das axudas para proxectos de aforro e eficiencia enerxética nas empresas galegas para a anualidade 2024.

Cal é a finalidade destas axudas?

A finalidade é impulsar iniciativas e programas de aplicación das tecnoloxías enerxéticas, incluídas as renovables, a mellora do aforro e a eficiencia enerxética, o fomento do uso racional da enerxía e, en xeral, a óptima xestión dos recursos enerxéticos nos distintos sectores económicos de Galicia

Que obxectivos medioambientais deben cumprir os proxectos?

1. Mitigación do cambio climático

2. Adaptación ao cambio climático

3. Uso sustentable e protección dos recursos hídricos e mariños

4. Transición cara a unha economía circular

5. Prevención e control da contaminación

6. Protección e recuperación da biodiversidade e dos ecosistemas

Quen pode solicitar estas axudas?

1. As empresas e persoas autónomas que teñan domicilio social ou algún centro de traballo en Galicia
2. As empresas de servizos enerxéticos que xestionen total ou parcialmente instalacións consumidoras de enerxía

*Podes consultar as persoas e entidades excluídas destas axudas no Artigo 5 do DOG Núm. 136.

Cales son os investimentos subvencionables?

1. A elaboración dos proxectos técnicos
2. A dirección facultativa e obra civil relacionados coas actuacións
3. O prezo dos equipamentos
4. A montaxe e posta en marcha dos equipamentos
5. Os sistemas de monitorización, contabilización e telexestión dos equipamentos
6. As auditorías

Ata cando se pode presentar as solicitudes?

O prazo de presentación de solicitudes comeza o 16 de xullo e finaliza o 16 de setembro de 2024.

As solicitudes presentaranse obrigatoriamente por medios electrónicos a través do formulario normalizado accesible desde a sede electrónica da Xunta de Galicia.

Recorda consultar a orde completa antes de facer a solicitude.